Yusuf Özcan
15 Март 2022•Ажурирај: 17 Март 2022
ПАРИЗ (АА) - Џамијата во областа Песак, во близина на градот Бордо на југозападот на Франција, затворена е на 6 месеци поради тврдење дека го брани „радикалниот ислам“, пренесува Агенција Анадолија (АА).
Во соопштението издадено од Гувернерството на Жиронд се наведува дека џамијата „Ал-Фарук“ во Песак е затворена 6 месеци под образложение дека го брани „радикалниот ислам“.
Се наведува и дека џамијата повикувала на непочитување на француските закони и легитимизирала терористички напади. Меѓу другото се тврди дека во џамијата се споделувале и пораки кои содржат омраза против Израел и дека биле поддржувани терористички организации или луѓе кои го бранат „радикалниот ислам“.
Француската администрација беше критикувана од бранителите на човековите права и невладините организации дека се меша во животите на муслиманите и ги маргинализира со својот „сепаратистички“ закон усвоен во август 2021 година.
Во извештајот објавен на 2 март во земјата се наведува дека од февруари 2018 до јануари 2022 година направени се контроли на речиси 25.000 џамии, училишта, здруженија и работни места, а во истиот период се затворени 718 од нив.
