Во Иран се преврте автобус: 20 загинати, 23 повредени

ИСТАНБУЛ - Во иранската покраина Мазандаран дојде до сообраќајна несреќа по превртување на автобус. Во несреќата животот го загубија 20 лица, а 23 се повредени, пренесува Агенција Анадолија (АА).

Иранската државна телевизија објави дека автобусот, што се движел на релацијата Техеран - Кунбед, се превртел кај местото Дуаб во покраината Мазандаран.

Според првичните проценки, во несреќата животот го загубиле 20 лица, а 23 се повредени.

По укажаната прва помош на местото на несреќата, повредените се префрлени во локалните болници.

Иран е земја во која на годишно ниво приближно 20.000 луѓе ги губат своите животи во сообраќајни несреќи. На прво место меѓу причините за несреќите се прекумерната брзина, возењето под замор и неправилното претекнување на возилата.