Во израелски напад во либанскиот град Тир загина едно, повредени се три лица

БЕЈРУТ (АА) - Во напад на израелско беспилотно летало денес во градот Тир во Јужен Либан загина едно лице, а три се повредени, јавија државните медиуми, пренесува Анадолу.

Националната новинска агенција објави дека цел на нападот биле возило и мотоцикл јужно од градот.

Израелско артилериско гранатирање беше забележано во рамнината Марџајун, но засега нема информации за жртви.

Тензиите на израелско-либанската граница се зголемија по почетокот на израелската воена офанзива врз Појасот Газа по прекуграничниот напад на Хамас на 7 октомври 2023 година.

Се проценува дека најмалку 300 луѓе се убиени во израелските напади во Либан од избувнувањето на судирите. Според израелските податоци, загинати се околу 20 Израелци.