Британската поморска агенција: Уште еден напад на брод во близина на брегот на Јемен

ЛОНДОН (АА) - Британската поморска агенција денес објави дека е регистриран уште еден инцидент во близина на брегот на Ал-Худејда, во Западен Јемен, јавува Анадолу.

Британската агенција за поморска трговија (УКМТО) соопшти дека инцидентот се случил синоќа на полноќ, 63 наутички милји југозападно од пристанишниот град Ал-Худејда на Црвеното Море.

Како што се наведува, две експлозии биле регистрирани „во непосредна близина на пловилото“, а дополнително се додава дека „пловилото и екипажот се безбедни“.

Не е наведено дали бродот тргнал кон својата дестинација.

„На бродовите им се препорачува да транзитираат со претпазливост и да пријават каква било сомнителна активност до УКМТО“, соопшти поморската агенција.

Јеменските Хуси сè уште не го коментира инцидентот.

Во знак на солидарност со Појасот Газа, кој се соочува со разорна израелска офанзива, Хусите со проектили и беспилотни летала ги гаѓаат израелските товарни бродови во Црвеното Море или оние што се поврзани со Тел Авив.

Поради тоа што Вашингтон и Лондон му даваат воена и финансиска поддршка на Израел, иако неговите сили убија речиси 40.000 Палестинци, што предизвика ескалирање на тензиите на Блискиот Исток, Хусите објавија дека сега сите американски и британски бродови се воени цели.