Аргентина: Дрвото „El Alerce Abuelo“ старо 2.600 години им пркоси на вековите

БУЕНОС АИРЕС

Староста на дрвото ариш нарачено „El Alerce Abuelo“ надминува 26 века. Ова дрво се смета за едно од најстарите дрвја во светот и се наоѓа во Националниот парк „Los Alerces“ во Аргентина, пренесува Агенција Анадолија (АА).

Дрвото ариш со латинско име „Fitzroya cupressoides“, е старо над 2.600 години и се наоѓа во националниот парк во близина на градот Ескел во провинцијата Чубут на југот на земјата, оддалечен околу 1.500 километри од главниот град Буенос Аирес.

Дрвото познато и како „Илјадагодишен ариш“, кој е во опасност од исчезнување, е старо повеќе од 2.600 години. Неговата висина е околу 57 метри и просечен дијаметар од 2,8 метри.

Овој вид ариш, со потекло од Аргентина и Чиле, се издвојува како дрво кое расте со просечен годишен дијаметар од 0,6 до 1,6 милиметри. Дрвото ариш расте во области со обилни врнежи и висока влажност.

Алисија Елисабе, туристички водич во националниот парк Лос Алененс, изјави дека Националниот парк „Los Alerces“ во 2017 година е вклучен на листата на светско наследство од УНЕСКО.

„Овој национален парк е основан за да го заштити дрвјата ариш (Alerce). Примерокот што го гледате овде е стар 2.600 години, тој се уште е зелен, жив и продолжува да расте. Дрвјата ариш се сметаа за втор вид дрво во светот кои имаат најдолг век на живеење“, рече Елисабе.

Од друга страна, познато е дека најдолговечното дрво на светот е борот од типот „Pinus longaeva“, стар повеќе од 5.000 години, дрвото се наоѓа во планинскиот регион на Калифорнија, САД.