Азербејџан ја одбележува 3-годишнината од победата во Карабах

БАКУ (АА) - Азербејџан го одбележува Денот на победата во земјата, по повод тригодишнината од ослободувањето на регионот Карабах од ерменската окупација, јавува Анадолу.

По повод прославата на Денот на победата, во главниот град Баку се одржаа маршеви на кои учествуваа војници и ветерани од конфликтот, а на загинатите за време на војната им беше оддадена почит со едноминутно молчење.

Маршеви се одржаа и во градовите Ганџа, Барда, Фузули, Лачин и Зангилан.

Поголемиот дел од регионот Карабах, што беше под ерменска окупација речиси три децении, беше ослободен од Азербејџан во есента 2020 година за време на 44-дневната војна, која заврши по мировниот договор со посредство на Русија и исто така ја отвори вратата за нормализација со Ереван.

На 8 ноември, азербејџанската Армија го ослободи градот Шуша, а подоцна овој датум со претседателски декрет беше прогласен за Ден на победата.

Првично, Денот на победата требаше да се слави на 10 ноември, денот на крајот на Втората војна во Карабах, но подоцна тоа беше откажано поради совпаѓањето со годишнината од смртта на Мустафа Кемал Ататурк, основачот на Република Туркије.