СКОПЈЕ (АА) – Во главниот град на Холандија, Амстердам, беа организирани комеморативни активности по повод Денот на Накба, јавува Анадолу.

Настаните се одржаа на плоштадот „Дам“ и во Доминиканската црква, каде што се одбележаа трагичните настани од 1948 година познати како „Накба“ или „Големата катастрофа“, кога стотици илјади Палестинци беа присилени да ги напуштат своите домови по прогласувањето на израелската држава.

Комеморативната програма по повод 77-годишнината од Накба заврши со праќање пораки на солидарност и поддршка за палестинскиот народ.

Исто така, илјадници лица маршираа низ улиците на Њујорк протестирајќи поради израелските напади врз Појасот Газа.

Маршот беше организиран токму на годишнината од Накба, симболизирајќи го страдањето на Палестинците кои беа присилени на егзодус.

За време на протестот дојде до тензии меѓу демонстрантите што ја поддржуваат Палестина и оние што го поддржуваат Израел.

Накба, што на арапски значи „катастрофа“, останува длабоко врежана во колективната меморија на палестинскиот народ како симбол на раселување, загуба и борба за правото за враќање.