Фидан телефонски разговараше со неговиот американски колега Блинкен

АНКАРА (АА) - Според информациите добиени од извори од Министерството за надворешни работи на Туркије, министерот Хакан Фидан телефонски разговарал со американскиот државен секретар Антони Блинкен, известува Анадолу.

На средбата двајцата министри ги оцениле последните случувања во Сирија.

Министерот Фидан се осврна на важноста да не се повторат претходните грешки и подвлече дека во овој момент режимот треба да дејствува реално, да воспостави дијалог со опозицијата и да го иницира политичкиот процес, а сите актери во регионот да одиграат конструктивна улога во таа насока.

Фидан му рекол на Блинкен дека на терористичките организации како ПКК и ДАЕШ не треба да им се дозволи да имаат корист од хаотичното опкружување во Сирија.

Министерот Фидан истакнал и дека би било корисно да се преземат неопходните мерки за да се спречи хемиското оружје во сопственост на режимот да стане ризик за регионот.

Потсетувајќи на важноста од доставувањето хуманитарна помош во регионот, Фидан рече дека по ова прашање Туркије ќе ја обезбеди потребната поддршка.