Средба Лавров-Фидан: „Ќе се вратиме на договорот за жито кога ќе бидат исполнети нашите услови од договорот со ОН

МОСКВА (АА)

Во посета на Москва пристигна шефот на турската дипломатија, Хакан Фидан. Негов домаќин е министерот за надворешни работи на Русија, Сергеј Лавров. Двајцата министри остварија состанок, по кој одржаа заедничка прес-конференција, известува Анадолу.

Министер Лавров во своето обраќање пред новинарите, осврнувајќи се на надворешната политика на Туркије, го рече следното „И покрај сомнителните иницијативи на западните земји, ние ја цениме надворешната политика на Туркије“.

Во врска со актуелните политички прашања, Лавров рече дека со турскиот министер Фидан разговарал за ситуацијата во Украина и ја објаснил невозможноста за спроведување на мировната формула на Зеленски.

Лавров за Иницијативата за транспортот на жито по Црното Море рече дека Западот не го одржал зборот во врска со извозот на руското жито и додаде: „Ќе се вратиме на договорот за жито кога ќе бидат исполнети нашите услови во пакет-договорот подготвен со ОН“.

Во врска со билатералните и економските прашања меѓу двете земји, Лавров рече дека Москва е подготвена да ја зголеми испораката на гас за Туркије, вклучувајќи и воспоставување на центар за дистрибуција на гасот во земјата.

- Фидан: Иницијатива за црноморско жито е од исклучителна важност

Во своето обраќање, турскиот министер за надворешни работи Фидан, се осврна на прашањето за Црноморската иницијатива за транспорт на жито и го рече следното:

„Со придонес на нашата земја, ОН подготвија нов пакет предлози за кои сметаме дека претставуваат соодветна основа за повторно заживување на иницијативата“.

Тој рече дека Туркије ќе ја продолжи својата дипломатска активност во врска со иницијатива за црноморско жито, и истакна дека овој договорот е од исклучителна важност, како за светската безбедност на храната, така и за стабилноста и мирот на Црното Море“.