Erdoğan Çağatay Zontur
18 Октомври 2019•Ажурирај: 18 Октомври 2019
ИСТАНБУЛ (АА) - Турскиот претседател Реџеп Таип Ердоган денеска изјави дека судирот во безбедносната зона меѓу турските сили и терористите на ЈПГ/ПКК е надвор од прашање и претставува дезинформација, јавува Anadolu Agency (AA).
„Еден од елементите на нашиот договор [со САД] е нашите безбедносни сили сега да не го напуштаат подрачјето“, изјави Ердоган за новинарите.
„Во рамките на 120-часовниот процес, терористичката организација ЈПГ/ПКК ќе се повлече од регионот кој го назначивме за безбедносна зона“, нагласи Ердоган.
Турција и Соединетите Американски Држави (САД) вчера постигнаа договор за паузирање на антитерористичката операција на Турција во северниот дел на Сирија.
Турција се согласи да ја паузира операцијата „Извор на мирот“ на 120 часа, со цел да се дозволи повлекување на терористите на ЈПГ/ПКК од планираната безбедносна зона.
Турскиот претседател изјави дека безбедносната зона во северна Сирија вклучува површина со ширина од 32 километри и должина од 444 километри.
Ердоган додаде дека состанокот со неговиот руски колега Владимир Путин е втората фаза од процесот за безбедносната зона.
