„Продолжуваме со реализацијата на заедничките програми за образование помеѓу Северна Македонија и Албанија"
Како што соопшти Министерството за образование и наука (МОН) на Северна Македонија, министерката Царовска на средбата истакнала дека од суштинско значење е реализацијата на заедничките програми за образованието.
СКОПЈЕ
Унапредувањето и интензивирањето на соработката во областа на образованието на сите нивоа беше тема на денешната официјална средба на министерките за образование на Република Северна Македонија и Република Албанија, Мила Царовска и Евис Куши, пренесува Агенција Анадолија (АА).
Како што соопшти Министерството за образование и наука (МОН) на Северна Македонија, министерката Царовска на средбата истакнала дека од суштинско значење е реализацијата на заедничките програми за образованието.
„Министерките разговараа за зајакнување на соработката во областа на високото образование. Исто така и за можноста што ја имаат младите од македонската заедница од Албанија за користење на стипендии и студирање на Универзитетите во Република Северна Македонија", се вели во соопштението.
Се додава дека двете министерки разменија искуства за реализирањето на наставата во услови на пандемија и забрзувањето на процесот на дигитализација на образованието којшто се покажа како неминовен во овој период и во двете земји.