Gamze Türkoğlu Oğuz
06 Март 2018•Ажурирај: 07 Март 2018
АНКАРА (AA) - Во Шпанија е пронајден фосил на птица пред 127 милиони години, која изумрела за кратко време по напуштањето на јајцето, јавува Anadolu Agency (AA).
Во веста на „Science Daily“ и „Mailonline“, се наведува дека фосилот, кој датира од времето мезозоик (пред 250 - 500 милиони години), припаѓа на праисториската група наречена „Enantiornithes“.
Фосилот пронајден во Лас Хојас, познатата палеонтолошка локација во Шпанија, е најмалиот од досега пронајдените фосили на мезозојски птици.
Се верува дека птицата била 10 грама и помала од малиот прст, пократка од 5 сантиметри.
Научниците забележаа дека фосилот е важен и уникатен поради припадност на птица, која умрела за кратко време, по излегувањето од јајцето. Кусиот живот на птицата се смета за ретка можност и за проучување на развојот на коскената структура.
Фосилот, кој го содржи речиси целиот птичји скелет, се изучува од британски, шпански, шведски и американски научници, и се очекува да фрли светлина врз развојот на првите птици.
