„Турција е членка на НАТО која e најмнoгу погодена од насилството на ДАЕШ“

БРИСЕЛ(АА) - Генералниот секретар на НАТО, Јенс Столтенберг, даде изјава во седиштето на НАТО во Брисел пред почетокот на состанокот на министрите за надворешни работи, јавува Anadolu Agency (AA).

Во изјавата Столтенберг потсети дека на состанокот на министрите за надворешни работи на НАТО ќе се зборува за теми од областа на безбедноста и дека состанокот претставува подготовка за Самитот на НАТО, кој во јули ќе се оддржи во Варшава.

Покрај тоа, на средбата ќе се разгледаат можностите како НАТО може да допридонесе во борбата против ДАЕШ во Сирија.

„Нашиот сојузник Турција е членка на НАТО и е најпогодена од насилството и хаосот што го прави ДАЕШ. Ја зголемивме нашата застапеност во Турција. Поставивме проектили „Патриот”, бордовите на НАТО се движат кон пристаништата на Турција. Покрај тоа и авионите AWACS се активни.“

За задачите на НАТО во Средоземното Море Столтенберг изјави: „Присуството на НАТО во Егејското Море го прекина криумчарењето на луѓе. Според последните информации, трасите за криумчарење на дневно ниво се намалени за 90 отсто. Во овој пад на криумчарењето голем удел имаат НАТО, крајбрежната стража на Турција и Грција и Frontex."

Истакнувајќи го уделот на НАТО во Егејското Море, Столтенберг изјави дека задачите кои НАТО ќе ги извршува во Средоземното Море се предмет на разгледување.

За паднатиот авион во Египет, Столтенберг истакна дека НАТО се подготвени да ја дадат својата поддршка доколку од нив се побара помош.