Muhammed Yasin Güngör
16 Декември 2024•Ажурирај: 18 Декември 2024
ИСТАНБУЛ (АА) - Istanbul Photo Awards, престижниот Меѓународен натпревар за фотографии организиран од Анадолу, денес го откри својот состав на жирито за 2025 година.
Откако ја прослави својата 10-годишнина, натпреварот повторно обединува на едно место истакнати експерти, меѓу кои и добитници на Пулицеровата награда и Прес-фото на светот, познати по својата работа во областа на спортот, животната средина, портретите и фотографиите од конфликтните зони.
Во овогодинешното истакнато жири дел ќе бидат фоторепортерката Керол Гузи, Јуриј Козирев од агенцијата NOOR, фоторепортерот на „The Globe and Mail“, Горан Томашевиќ, фотографот и режисер на „National Geographic“, Ами Витале, визуелната раскажувачка Марион Мертенс, консултантот за визуелни медиуми Мишел Ското, главниот спортски фоторепортер на „Гети имиџес“, Камерон Спенсер, и турските фоторепортери Ахмет Сел и Фират Јурдакул.
Istanbul Photo Awards 2025 прима апликации во 10 категории: вести, спорт, природа и животна средина, секојдневен живот и портрет фотографија - единечни и серија фотографии во истите категории.
Фотографите можат да поднесат најмногу четири свои дела во категориите со единечна фотографија, и по две во категориите за сериски фотографии, при што секоја серија содржи 10 фотографии. Може да се достават најмногу 120 фотографии по учесник.
Победниците ќе бидат избрани за време на онлајн состанок на жирито во март 2025 година.
За повеќе детали за жирито и упатствата за аплицирање посетете ја официјалната веб-страница: www.istanbulphotoawards.com.
