Виртуелна изложба со фокус на загрижувачкиот ефект на пандемијата врз животот во градот

АНКАРА (АА) - Утре ќе биде отворена онлајн изложба на фотографии фокусирана на влијанието на пандемијата на Ковид-19 врз градовите и урбаниот живот, јавува Агенција Анадолија (АА).

Виртуелната изложба „Празнина: урбана меморија“ содржи 40 фотографии направени низ целиот свет во периодот од март до април минатата година.

Агенцијата „Visioncy“ и кустосот Патрис Валет избраа фотографии на кои се прикажани 20 градови на четири континенти.

Меѓу изборот се 20 фотографии од Њујорк, фотографирани од фоторепортерот на Агенција Анадолија, Тајфун Џошкун.

Според соопштението на „Visioncy“, изложбата ја прикажува трансформацијата на градовите за време на пандемијата и им овозможува на гледачите да го разберат нејзиното социјално и економско влијание низ целиот свет.

Агенцијата Анадолија е глобален комуникациски партнер на утрешниот настан.