Доделени филмските награди „БАФТА 2018“

ЛОНДОН (АА) - Академијата за англиски филм и телевизиски уметности (БАФТА) ги додели годинешните награди за филмска уметност, јавува Anadolu Agency (AA).

Во Лондон, главниот град на Англија, во историската концертна сала „Ројал Алберт Хол“ се одржа 71. по ред доделување на наградите „БАФТА“.

На црвениот килим пред „Ројал Алберт Хол“ во стилска облека, продефилираа голем број познати лица како што се Анџелина Џоли, Џенифер Лоренс, Натали Дормер, Селма Хајек и англискиот престолонаследник, војводата од Кембриџ, принцот Вилијам со сопругата, грофицата од Кембриџ, Кејт.

Филмот „Три билборди надвор од Ебинг, Мисури“ („Three Billboards Outside Ebbing, Missouri“) на англискиот режисер Мартин Мекдонах ја освои наградата за најдобар филм. Американската актерка Френсис Мекдорманд, која ја одигра главната улога во овој филм, ја освои наградата за најдобра актерка. Овој филм ги освои и наградите за најдобра машка споредна улога во категоријата драма, наградата за оригинално сценарио и најдобар англиски филм.

Англискиот актер Гери Олдман за својата улога во филмот „Најмрачниот час“ („Darkest Hour“) ја освои наградата за најдобар актер. Наградата за најдобар режисер замина во рацете на Мексиканецот Гилермо дел Торо, кој го режираше филмот „Формата на водата“ („The Shape Of Water“).

Наградите „БАФТА“ според категории:

Најдобар филм: „Три билборди надвор од Ебинг, Мисури“ („Three Billboards Outside Ebbing, Missouri“)

Најдобар режисер: Гилермо дел Торо („Формата на водата“ („The Shape Of Water“))

Најдобар актер: Гери Олдман („Најмрачниот час“ („Darkest Hour“))

Најдобра актерка: Френсис Мекдорманд („Три билборди надвор од Ебинг, Мисури“ („Three Billboards Outside Ebbing, Missouri“))

Најдобар спореден актер: Сем Роквел („Три билборди надвор од Ебинг, Мисури“ („Three Billboards Outside Ebbing, Missouri“))

Најдобра споредна актерка: Алисон Џени („Јас, Тоња“ („I, Tonya“))

Најоригинално сценарио: „Три билборди надвор од Ебинг, Мисури“ („Three Billboards Outside Ebbing, Missouri“)

Најдобар документарен филм: „Јас не сум вашиот црнец“ („I Am Not Your Negro“)

Најдобар англиски филм: „Три билборди надвор од Ебинг, Мисури“ („Three Billboards Outside Ebbing, Missouri“)

Најдобра кинематографија: „Блејд ранер 2049“ („Blade Runner 2049“)

Најдобро адаптирано сценарио: „Скриена љубов“ („Call Me by Your Name“)

Најдобар анимиран филм: „Коко“ („Coco“)

Најдобар странски филм: „Слугинка“ („The Handmaiden“)

Најдобар продукциски дизајн: „Формата на водата“ („The Shape Of Water“)

Најдобри визуелни ефекти: „Блејд ранер 2049“ („Blade Runner 2049“)

Надобра шминка и фризура: „Најмрачниот час“ („Darkest Hour“)

Најдобар дизајн на костими: „Фантомска нишка“ („Phantom Thread“)

Најдобар звук: „Денкерк“ („Dunkirk“)

Најоригинална музика: „Формата на водата“ („The Shape Of Water“)

Секоја година, две недели пред доделувањето на наградите „Оскар“, се доделуваат наградите „БАФТА“, со кои се навестуваат можните добитници на престижната награда на Американската академија за филмски уметности „Оскар“.