Во Лос Анџелес одржана церемонија за доделување на наградите „Еми“

ЛОС АНЏЕЛЕС (АА) - Во театарот „Мајкрософт“ во Лос Анџелес утринава беше одржана 71. церемонија на доделување на наградите „Еми“, кои се сметаат како телевизиски Оскар, пренесува Anadolu Agency (AA).

Серијата „Вреќа со болви“ (Fleabag) ја понесе конкуренцијата во категоријата хумористични серии и доби награда „Еми“ за најдобро сценарио, најдобра режија (пилот-епизода), најдобра главна женска улога и најдобра хумористична серија.

Серијата „Чернобил“ („Chernobyl“) триумфираше во категориите за најдобра режија, најдобро сценарио за мини серија или телевизиски филм и за најдобра мини серија.

Со песната на Синди Лопер „Time after time“, која ја изведе младата пејачка Холзи, им беше оддадена почест на сите великани на телевизиската индустрија кои починале минатата година.

Посебно емотивни моменти предизвика излегувањето на актерите од „Игра на тронови“, кои на сцената се збогуваа од серијата. Паралелно со тоа, публиката се збогуваше и од телевизиските серии „Потпретседателка“, „Готам“, „Куќа од карти“, а ерупција емоции предизвикаа и кадрите од популарната „Бубалици“ („The Big Bang Theory“).

Добитници на престижната награда „Еми“:

Најдобра хумористична серија - „Вреќа со болви“ (Fleabag)

Најдобра драмска серија - „Игра на тронови“ („Game of Thrones“)

Најдобра главна машка улога во хумористична серија - Бил Хејдер, „Бери“ („Barry“)

Најдобра главна женска улога во хумористична серија - Фиби Волер-Бриџ, „Вреќа со болви“ (Fleabag)

Најдобро натпреварувачко шоу - „Трката на Ру Пол“ („Ru'Pauls Drag Race“)

Најдобра мини серија - „Чернобил“ („Chernobyl“)

Најдобра главна машка улога во драмска серија - Били Портер, „Поза“ („Pose“)

Најдобра режија на драмска серија - Џејсон Бејтман, „Озарк“ („Ozark“)

Најдобра женска улога во драмска серија - Џоди Комер, „Убивајќи ја Ева“ („Killing Eve“).