Во Бурса се одржува натпревар за народни игри, учествува и ансамбл од Северна Македонија

БУРСА (АА) – Во Бурса, Република Турција, се одржува 33. Меѓународен натпревар за народни игри, во организација на Фондацијата за култура, уметност и туризам во Бурса, а меѓу учесниците е и културно-уметничкото друштво Илинден од Битола, јавува Anadolu Agency (AA).

Во рамките на настанот, вчера ансамблите од 9 земји, во отворениот театар „Kültürpark“ (Културен парк) ги изведоа своите народни игри.

На фестивалот вчера настапија ансамбли од следните земји: Северна Македонија, Косово, Сенегал, Кина, Аргентина, Бангладеш, Узбекистан,Туркменистан и Венецуела.

Инаку, на 33. Меѓународен натпревар учествуваат ансамбли од вкупно 24 земји.

Активноста ќе заврши денес, на 12 јули.