Јапонија: Во Токио и околината прогласена вонредна состојба поради Ковид-19

ТОКИО

Во јапонскиот главен град Токио и околината е прогласена вонредна состојба во рамки на борбата против пандемијата на новиот вид коронавирус (Ковид-19), пренесува Агенција Анадолија (АА).

Информацијата на прес-конференција ја потврди премиерот на Јапонија, Суга Јошихиде.

Тој нагласи дека ќе се спроведува вонредна состојба во градот Токио и во префектурите Канагава, Чиба и Саитама, каде што случаите со Ковид-19 се во тренд на зголемување.

Суга рече дека вонредната состојба која ќе стапи во сила утре, ќе трае до 7 февруари.

Јапонскиот премиер упати апел до гувернерите на овие четири јапонски префектури да ги зголемат мерките против пандемијата.