Во САД од Ковид-19 починаа над 11.000 лица, вкупниот број на детектирани случаи приближно 370.000

АНКАРА

Во Соединетите Американски Држави (САД), денес бројката на починати од Ковид-19 надмина 11.000, а вкупно се регистрирани речиси 370.000 случаи на заразување, јавува Агенција Анадолија (АА).

Според податоците на Универизтетот „Џонс Хопкинс“ во САД од последиците на Ковид-19 се починати 11.008 лица, а вкупниот број на потврдени случаи на зараза изнесува 368.533.

Генералот Жероме Адамс, првиот човек на Јавниот здравствен систем на САД, предупреди дека оваа недела ќе биде една од најтешките и најтажните за земјата.

„Ова ќе биде најтешка и најтажна недела во животите на повеќето Американци. Ова ќе биде нашиот Перл Харбор и нашиот 11-ти септември, но нема да биде локализиран, туку ќе се случува низ целата земја “, изјави Адамс во неделата за американските медиуми.

Д-р Дебора Брикс, која го предводи тимот за одговор на Ковид-19, кон средината на минатата недела во Белата куќа го претстави моделот за потенцијалниот број на починати од Ковид-19 во САД.

Според тој модел, доколку жителите на САД ги следат упатствата за социјална оддалеченост и упатства за јавно здравје тогаш во земјата би имало помеѓу 100.000 и 240.000 смртни случаи. Доколку не се следат дадените упатства, тогаш моделот предвидува смрт на 1,5 до 2 милиони лица.

Њујорк е најтешко погодена држава од пандемијата на Ковид-19 со речиси 5.000 смртни случаи. Од потврдените 130.689 случаи во државата, починале вкупно 4.758 лица.

САД се земја со најмногу потврдени случаи со коронавирус, а потоа следуваат Шпанија, Италија и Германија.

Во светот се регистрирани над 1,36 милион потврдени случаи на вирусот, а бројот на смртни случаи во светот е близу 76.000.