Во Русија бројот на случаи со Ковид-19 се зголемува, а мерките продолжуваат да се олабавуваат

МОСКВА (АА) – Во Русија, вкупниот број на заразени со новиот вид коронавирус, Ковид-19, се искачи на 599.705, а вкупниот број на починати на 8.359, пренесува Агенција Анадолија (АА).

Рускиот Центар за контрола и превенција од Ковид-19 соопшти дека во последните 24 часа потврден е вирусот кај уште 7.425 лица, со што вкупната бројка на заразени се искачи на 599.705.

Во изминатите 24 часа како последица на Ковид-19 починаа 153 лица, а билансот на починати се зголеми на 8.359.

Во соопштението се наведува дека вкупниот број на оздравени достигнал 356.429, со пораст од 12.013 во последното деноноќие.

Центарот, исто така, информира дека зголемувањето на бројот на детектирани лица позитивни на вирусот на дневно ниво изнесува 1,3 проценти, при што кај 32,7 отсто од новодетектираните не се забележани симптоми.

Во Москва во последните 24 часа од коронавирусот починаа 26 лица, со што вкупниот број на смртни случаи достигна 3.643.

Во текот на последните 24 часа детектирани се 1.081 лице позитивни на тестот за коронавирус, со што вкупниот број на заразени во главниот град се зголеми на 216.095.

Службата за заштита на човековото здравје и правата на потрошувачите во Русија објави дека вкупниот број на тестирања за Ковид-19 во земјата изнесува над 17.500.000. Во последните 24 часа направени се 233.000 тестови за Ковид-19.

Во соопштението исто така се наведува дека 309.000 лица се наоѓаат под надзор.

Во поголемиот дел од земјата мерките донесени за Ковид-19 се олабавени. Во Москва, рестораните и кафулињата, кои претходно примаа гости само на терасите од денеска се отворени целосно.

Во градот почнаа да работат и детските градинки, фитнес-клубовите и базените.

Првиот случај на Ковид-19 во земјата е откриен на 31 јануари, а првиот смртен случај е регистриран на 19 март.