Форбс ја објави листата на најплатени познати личности во 2016 година

АНКАРА (АА) - Магазинот „Forbes" ја објави листата на најплатени познати личности во 2016 година "The World's Highest-Paid Celebrities" на чиј врв се наоѓа 26 годишната пејачка Тејлот Свифт, јавува Anadolu Agency (AA).

Свифт со својот последен албум „1989" и турнејата заработи 170 милиони долари, што и ја донесе ласкавата титула на најплатена славна личност.

На второ место се наоѓа музичката група „One Direction". Членовите на оваа група заработија 110 милиони долари. Минатогодишниот албум„ „Made in the A.M" продаден е во тираж од 2,5 милиони примероци.

Светски познатиот книжевник, Џејмс Патерсон, авторот на трилер романи, со заработката од 95 милиони долари се наоѓа на третото место.

Во топ 10-те најплатени славни личности се наоѓаат и шоуменот д-р Фил МекГроу, фудбалерите Кристијано Роналдо и Лионел Меси, пејачката Адел, комичарот Кевин Харт и продуценотот Хауард Стерн.

На дното на листата, односто на 98 и 99 место се наоѓаат моделот Жизел Биндшен и пејачката Бритни Спирс, кои заработија по 30,5 милиони долари.

Топ 10 листата изгледа вака:

1. Тејлор Свифт - 170 милиони долари

2. "One Direction" - 110 милиони долари

3. Џејмс Патерсон - 95 милиони долари

4. д-р Фил МекГроу и Кристијано Роналдо - 88 милиони долари

6. Кевин Харт - 87,5 милиони долари

7. Хауард Стерн - 85 милиони долари

8. Лионел Меси - 81,5 милиони долари

9. Адел - 80,5 милиони долари

10. Раш Лимбо - 79 милиони долари