Во Јордан пронајден рецепт за леб стар 14.000 години
Според рецептот стар 14.000 години, пченичното и јачменовото брашно се мешаат со иситнети корени на растенија. Потоа се додава вода и се става да се пече.
Aman
AМАН (AA) - Во Црната Пустина во Јордан е пронајден најстариот рецепт за правење леб во светот, пренесува Anadolu Agency (AA).
Според рецептот стар 14.000 години, пченичното и јачменовото брашно се мешаат со иситнети корени на растенија. Потоа се додава вода и се става да се пече.
Порано се сметало дека најстарите траги кои се поврзуваат за првиот леб, потекнуваат од периодот од пред 9.000 години, а пронајдени се во Чаталхојук во Турција.
Меѓутоа, новото откритие пронајдено за време на археолошките ископувања во Црната Пустина покажува дека првите траги досегнуваат 5 илјади години порано од откритието во Турција.
Научниците открија две големи печки, а во секоја се пронајдени ронки леб.
Во остатоците анализирани со микроскоп откриени се траги на мелење, просејување и мешање.
Научниците се обидоа да направат леб по стариот рецепт. Рекоа дека вкусот е сличен на денешниот леб со повеќе видови зрна.
Дориан Фулер, професор од Лондонскиот универзитетски колеџ, истакна дека станува збор за најстариот доказ за правење храна, при кој се користени и мешани неколку производи.
„Имале леб, печено месо од газели и тоа го користеле како оброк“, додава Фулер.
