Путин: Постојат различни начини за испорака на рускиот гас во Европа

МОСКВА (АА) - Рускиот претседател Владимир Путин изјави дека Украина не сака да го продолжи договорот за испорака на рускиот гас во Европа и додаде дека постојат различни начини за испорака на рускиот гас до европските потрошувачи, известува Анадолу.

Во изјава за рускиот државен канал Русија-24, Путин го коментираше договорниот процес со Украина за испорака на рускиот гас во Европа, кој истекува на крајот на годината.

Наведувајќи дека Украина требала да преземе чекори за продолжување на договорот пред јули 2024 година, Путин рече дека Киев не направил никаков напор во таа насока.

„Русија не одбива да го испорачува рускиот гас, вклучително и преку украинската рута. Меѓутоа, очигледно дека Украина нема да го стори тоа. Украинските власти рекоа дека нема да го продолжат договорот за транзит на природниот гас со руската страна. Тоа значи дека тие ја затворија оваа рута“, рече Путин.

Тој посочи дека Русија може да продолжи да испорачува гас за Европа.

„Постојат различни рути преку кои рускиот гас може да се доставува до европските потрошувачи, а ние не одбиваме да го испорачаме“, рече Путин.

На 5 септември Путин рече дека доколку Украина не го продолжи договорот за транзит, може да дојде до зголемување на испораката на рускиот гас преку Турскиот тек.