Северна Македонија: 21 починат, 565 нови случаи на Ковид-19

СКОПЈЕ (АА) - Во Република Северна Македонија во последните 24 часа регистрирани се 565 нови случаи на коронавирусот (Ковид-19), со што бројката на евидентирани случаи на овој вирус од почетокот на епидемијата се искачи на 32.997, пренесува Агенција Анадолија (АА).

Министерството за здравство соопшти дека од последици предизвикани од Ковид-19 починати се 21 лице, со што вкупната бројка на смртни случаи во земјата се искачи на 1.025.

Денеска Институтот за јавно здравје регистрира 154 оздравени пациенти од Ковид-19, а вкупната бројка на оздравени од овој вирус во земјата изнесува 21.244.

Во Северна Македонија бројот на активни случаи на Ковид-19 изнесува 10.728.

Министерството за здравство информира дека во последните 24 часа во Северна Македонија се направени 1.325 тестирања на Ковид-19, а досега во земјата се реализирани вкупно 253.173 тестирања.