МВР на Косово: „Во напад изгоре Центарот за регистрација на возила во Зубин Поток“

ПРИШТИНА

Министерот за внатрешни работи на Косово информираше дека синоќа во еден часот по полноќ во криминален акт со елементи на тероризам предизвикан од сомнителни лица изгорел Центарот за регистрација на возила, што се наоѓа во објектот на Општината Зубин Поток, пренесува Агенција Анадолија (АА).

Министерот за внатрешни работи на Косово, Џелал Свечла, наведе дека косовската полиција веднаш излегла на местото на настанот и дека набргу ќе имаат повеќе информации.

„Исто така, нападнат е и Центарот за цивилна регистрација во Звечан, каде што се сомнева и на експлозивно средство. Овие криминални дејствија покажуваат најдобро што ќе се случува на граничните премини Јарине и Брњак доколку нема присуство на специјалните единици кои го гарантираат редот и безбедноста“, наведе Свечла.

Тој истакна дека МВР на Косово со своите агенции е ангажирано за редот, безбедноста и владеењето на правото и претставува „гарант на суверените одлуки на Владата на Косово и покрај таквите дела, ќе продолжи со целосна ангажираност за применување на одлуката на целата територија на Република Косово“.

Свечла ги повика граѓаните на северот од земјата да ги почитуваат законите и да не бидат раководени и диригирани или манипулирани од страна на оние што профитираат политички или материјално, само благодарение на тензиите.

Српските граѓани од северниот дел на Косово веќе шести ден ги блокираат патиштата што водат кон граничните премини Јарине и Брњак, во знак на протест поради одлуката на Владата на Косово за воведување реципрочни мерки за задолжителни пробни таблички за возилата со регистарски таблички од Србија, како и за укинување на табличките КС и табличките со кратенки на градовите во Косово што ги издава Србија, а кои се илегални на територијата на Косово.