Грција: Студенти се судрија со полицијата

АТИНА (АА) - Во Грција настана судир меѓу полицијата и студентите кои протестираат против реформите во образовниот систем, јавува Anadolu Agency (AA).

Во грчкиот главен град Атина стотици студенти се собраа за да протестираат против реформите во образованието кои вклучуваат укинување на имунитетот на универзитетите и отстранување од универзитетите на студентите кои за одредено време не дипломирале.

Студентите извикуваа пароли како „Имунитетот е добиено право, не може да се менува“, и маршираа кон плоштадот „Синтагма“, каде што се наоѓа и Парламентот.

Полициските тимови презедоа интензивни безбедносни мерки пред зградата на Парламентот, додека со солзавец и звучни бомби интервенираа против студентите кои со камења и стапови ги нападнаа полицајците.

Главните улици на Атина извесно време беа затворени за сообраќај поради демонстрациите кои продолжија околу два часа.