Владата на Албанија го одобри пристапувањето во Одборот за мир

ТИРАНА (АА) - Советот на министри на Албанија го одобри пристапувањето на земјата во Одборот за мир за Газа, по поканата од претседателот на САД, Доналд Трамп, пренесува Анадолу.

Исто така, во медиумите се нагласува дека ратификацијата на одлуката на Владата на Албанија се очекува утре во Собранието на Албанија.

Пред неколку дена, премиерот Еди Рама потврди дека Трамп испратил покана за пристапување на Албанија во Одборот за мир, според него како основачка членка.

Рама ја оцени оваа покана како „посебна чест и признание“ од Трамп.

Претседателот на САД, Трамп, пред неколку дена го најави формирањето на Одборот за мир за Појасот Газа.

Во меѓувреме, Белата куќа ги соопшти и членовите на новиот „технократски“ комитет што ќе го надгледува транзицискиот процес на власта во Појасот Газа, како дел од планот од 20 точки на Трамп за ставање крај на геноцидната војна на Израел во Газа.