Бројот на починати од Ковид-19 во Северна Македонија достигна 700

СКОПЈЕ (АА) - Во Република Северна Македонија во последните 24 часа регистрирани се 45 нови случаи на вирусот Ковид-19, со што вкупниот број на случаи на овој вирус во земјата се искачи на 16.780, пренесува Агенција Анадолија (АА).


Министерството за здравство соопшти дека во последното деноноќие од последици предизвикани од Ковид-19 починале седум заразени лица, со што бројката на смртни случаи предизвикани од овој вирус во земјата се искачи на 700.


Институтот за јавно здравје на информира дека се регистрирани 86 оздравени пациенти, со што бројката на оздравени пациенти изнесува 13.949.


Во моментов бројот на активни случаи во Северна Македонија изнесува 2.131.


Во земјата досега направени се вкупно 176.017 тестирања на Ковид -19, од кои 552 во последните 24 часа.