Албанија: Бројот на починати поради Ковид-19 се искачи на 22 лица

ТИРАНА (АА) - Во Албанија уште еден пациент почина поради новиот вид коронавирус (Ковид-19), со што бројот на починати во земјата се искачи на 22 лица, пренесува Агенција Анадолија (АА).

Оваа информација преку соопштение ја потврди Министерството за здравство и социјална заштита на Албанија.

Во соопштението се нагласува дека во Инфективната болница во Тирана починал 90-годишен пациент заразен со Ковид-19.

Во Албанија се детектирани вкупно 377 случаи со Ковид-19, меѓу кои се и починатите и 116 излекувани лица.