Турција

Новата верзија на турското оклопно возило подготвена за најпредизвикувачки воени задачи

Станува збор за нова верзија на оклопното возило со погон на сите четири тркала, што веќе осум години го произведува турската компанија „Отокар“, и се користи во 15 држави.

Göksel Yıldırım   | 03.03.2021
Новата верзија на турското оклопно возило подготвена за најпредизвикувачки воени задачи

АНКАРА (АА) - ЃОКСЕЛ ЈИЛДИРИМ 

Турската одбранбена индустрија ја произведе напредната верзија на оклопното возило „Кобра II“, што се смета за оклопно возило отпорно на минско-експлозивни направи, јавува Агенција Анадолија (АА).

Станува збор за нова верзија на оклопното возило со погон на сите четири тркала, што веќе осум години го произведува турската компанија „Отокар“, и се користи во 15 држави.

Новиот модел од семејството „Кобра“ се одликува со поголема носивост, поголем внатрешен волумен и поголема способност за маневрирање, а сето тоа му овозможува носење различни оружја од платформите за извршување и најпредизвикувачки воени задачи.

Оклопното возило „Кобра“ претходно го освои вниманието на меѓународниот пазар, а новиот модел само ја потврди успешноста на турските експерти во развојот на модерни воени возила.

Последниот модел „Кобра II“ има интегрирана заштита од мински средства и балистички проектили (MRAP), а ниското тежиште на заштитниот под додатно му ги унапредува способностите за маневрирање на тешки теренски и климатски услови.

Оклопното возило „Кобра II“ од претходните и слични воени возила се издвојува со дизајнерското решение кое му дава значително помала силуета, односно го прави потешко уочливо на терен.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın