ИСТАНБУЛ (АА) - На спектакуларната церемонија на отворањето на Светското фудбалско првенство во Русија ќе настапи британскиот музичар Роби Вилијамс, јавува Anadolu Agency (AA).

Мундијалот во Русија започнува во четврток во 18:00 со натпреварoт помеѓу домаќинот Русија и Саудиска Арабија.

Пред почетокот на натпреварот на московскиот стадион „Лужники“ ќе се одржи и церемонијата на отворање на Светското првенство, а од Светската фудбалска организација (FIFA) соопштија дека на церемонијата ќе настапи и Вилијамс.

Поранешниот бразилски фудбалски ас Роналдо, и руската млада сопранистка Аида Гарифулина, исто така, ќе учествуваат во полчасовната церемонија.