ИСТАНБУЛ (АА) – САД санкционираа 31 кинеска компанија поради руската војна во Украина, јавува Анадолу.

„САД санкционираа 31 компанија со седиште во Народна Република Кина поради обезбедување клучни технологии за Русија за нејзината одбранбена индустриска база“, рече Николас Барнс, американски амбасадор во Пекинг.

Тој на платформата X напиша дека САД предупредиле дека „ќе дејствуваат доколку Кина не ја запре оваа продажба“.

Воведувањето на санкциите се случи неколку дена откако американскиот државен секретар Ентони Блинкен за време на посетата на Пекинг предупреди дека Вашингтон би можел да воведе санкции за кинеските компании поради нивната поддршка на руската одбранбена индустрија.

Стејт департментот вчера објави дека неколку кинески ентитети ги именува „одговорни за развој и испорака на воздушна, производствена и технолошка опрема со двојна намена на компаниите со седиште во Русија“.