Повеќе од 250 службеници од администрацијата на Обама за израелските напади на Газа ѝ пишале на Белата куќа

ВАШИНГТОН (АА) - Повеќе од 250 службеници од администрацијата на Обама, кои биле на различни функции во Владата на поранешниот американски претседател Барак Обама, напишаа писмо што им го упатија на Обама и на актуелниот американски претседател Џо Бајден и ја повикаа „администрацијата веднаш да преземе мерки за моментален прекин на огнот во Газа“, известува Анадолу.

Повеќе од 250 лица што работеле во администрацијата на Обама, некои од нив биле и во подоцнежните изборни кампањи на Демократската партија, со писмо се обратија до Белата куќа.

„Ви се обраќаме поради вашата постојана поддршка на израелската војна во Газа и да искажеме загриженост во врска со претстојните избори, занемарувањето на сѐ поголемиот број демократски гласачи што израелската војна во Газа ја сметаат за геноцид и повикуваат на траен прекин на огнот“, се вели во пораката на поранешните членови на американската администрација, кои предупредуваат дека доколку се продолжи вака, Бајден би можел да ги изгуби изборите во ноември.

Во писмото се споделени детали за цивилите убиени во израелските напади врз Газа, уништената цивилна инфраструктура, блокираната хуманитарна помош и бројот на убиени новинари, нагласувајќи:

„САД моментно се фараон што стои сам на погрешната страна на историјата.“

Во писмото се вели дека е многу тажно што САД продолжуваат да даваат безусловна поддршка на вооружувањето на Израел. Поранешните службеници на американската администрација истакнаа дека таа помош треба да се прекине и побараа почитување на меѓународното право.