ИСТАНБУЛ (АА) - Јапонскиот суд денес му изрече доживотна казна затвор на човекот што стои зад атентатот на поранешниот премиер Шинзо Абе, објавија локалните медиуми, пренесува Анадолу.

Обвинителите побараа доживотна казна затвор за Тецуја Јамагами (45), кој призна дека го убил Абе во 2022 година со рачно изработено огнено оружје за време на предизборниот говор во западниот јапонски град Нара, објави Кјодо њуз.

Јамагами рече дека чувствувал одвратност кон Црквата на обединувањето, со која бил поврзан Абе, поради финансиската пропаст што ја претрпело неговото семејство како резултат на огромните донации на неговата мајка за групата.

Атентатот предизвика владина истрага за барањата на црквата за големи финансиски донации од членовите, што на крајот доведе до нејзино распуштање и донесување закон против вакви практики.