свет

ОН, ЕУ, Африканската Унија и Арапската Лига со апел за повлекување на странските платени војници од Либија

Во оваа декларација се вели дека изборите кои се планирани да се одржат на 24 декември во Либија, треба да се реализираат врз заедничка правна рамка и да се одржат во сеопфатна, транспарентна и безбедна средина.

Betül Yürük   | 21.04.2021
ОН, ЕУ, Африканската Унија и Арапската Лига со апел за повлекување на странските платени војници од Либија

ОБЕДИНЕТИ НАЦИИ 

Обединетите нации (ОН), Европската Унија (ЕУ), Африканската Унија и Арапската Лига упатија апел за повлекување на странските сили и странските платени војници од Либија, пренесува Агенција Анадолија (АА).

Објавена е заедничка декларација по виртуелниот состанок во врска со Либија одржан со учество на ОН, ЕУ, Африканската Унија и Арапската Лига.

Во декларацијата се поздравува важната фаза до која е дојдено на патот кон наоѓање сеопфатно решение за кризата во Либија.

Според декларацијата, Претседателскиот совет на Либија, Владата на национално единство и другите институции даваат целосна поддршка во оваа насока.

Во оваа декларација се вели дека изборите кои се планирани да се одржат на 24 декември во Либија, треба да се реализираат врз заедничка правна рамка и да се одржат во сеопфатна, транспарентна и безбедна средина.

Исто така, во декларацијата се нагласува дека се осудуваат прекршувањата на ембаргото за оружје поставено кон Либија од страна на ОН.

Се истакнува дека надворешните воени интервенции се неприфатливи и дека странските сили и платените војници треба да се повлечат од Либија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın