свет

Велика Британија воведува нови санкции кон Русија

Велика Британија воведе безброј санкции за руската Влада и поединци блиски до Москва од почетокот на Руско-украинската војна на 24 февруари

Ahmet Gürhan Kartal   | 23.06.2022
Велика Британија воведува нови санкции кон Русија

ЛОНДОН (АА) - Британската Влада денеска соопшти дека вовела нови трговски санкции кон Русија, јавува Агенција Анадолија (АА).

Новите санкции забрануваат „извоз, снабдување и испорака, ставање на располагање и пренос на добра и технологија за внатрешна репресија, стоки и технологија поврзани со хемиско и биолошко оружје, поморски стоки и технологија, дополнителни стоки и технологија за рафинирање нафта, дополнителни клучни индустриски стоки и технологија“, се вели во соопштението.

Забранет е и извоз на авионско гориво и адитиви за гориво во Русија, како и доставување банкноти во стерлинг или евро на лица поврзани со Русија.

Некои од новонаведените забрани ќе ги опфатат и украинските територии кои се надвор од контролата на Владата.

Новите мерки, исто така, го забрануваат „увозот, стекнувањето или снабдувањето и испораката на стоки кои генерираат приходи кои потекнуваат или се испратени од Русија“ и „обезбедувањето техничка помош и финансиски услуги, средства и посреднички услуги поврзани со увозот на челик и железо“.

Велика Британија воведе безброј санкции за руската Влада и поединци блиски до Москва од почетокот на Руско-украинската војна на 24 февруари.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.