АНКАРА (АА) - Реџеп Таип Ердоган е реизбран за претседател на Туркије на претседателските избори, соопшти претседателот на Врховната изборна комисија на Туркије (ЈСК), Ахмет Јенер, јавува Анадолу.

Во изјавата за медиумите во Анкара, Јенер истакна дека Ердоган победи во вториот круг од претседателските избори во земјата против неговиот противкандидат Кемал Киличдароглу.

Според неофицијалните резултати, актуелниот турски претседател победи во трката со 52,14 отсто од гласовите, додека Киличдароглу доби 47,86 отсто од гласовите, рече Јенер.

Тој додаде дека досега се отворени 99,43 отсто од гласачките кутии.

Меѓу другото, во својот говор во Истанбул, претседателот Ердоган рече дека победник на изборите се сите 85 милиони граѓани на Туркије.