یارییەکانی یۆرۆ ٢٠١٦

لە چوارچێوەی یارییەکانی یۆرۆ ٢٠١٦دا کە لە فەڕەنسا بەڕێوەدەچێت، شەوی رابردوو هەردوو هه‌ڵبژارده‌ی پورتوگال و ئایسله‌ندا بەیەکگەیشتن.

له‌ گێمی یه‌كه‌مدا، هەڵبژاردەی پورتوگال باڵادەستی خۆی نواند و لە خوله‌كی ٣١دا گۆڵێكی له‌ڕێگه‌ی یاریزان لویس نانی-یه‌وه‌ تۆمار كرد.

له‌ گێمی دووه‌مدا، ئایسلەندییەکان هاتنەوە ناو کەشی یاریەکە و له‌ خوله‌كی ٥٠دا، یاریزان بیار ناسۆن گۆڵی یەکسانبوونی تۆمار كرد و یارییه‌كه‌ش تا فیکەی كۆتایی ناوبژیوان به‌و ئه‌نجامه‌ مایه‌وه‌.

لە یاریەکی دیکەشدا هەڵبژاردەی هەنگاریا توانی بە دوو گۆڵی یاریزانان ئادەم شالای و زوڵتان ستیر لە هەڵبژاردەی نەمسا بباتەوە.