ئه‌تڵه‌تیكۆ 7 به‌ 3 له‌ ریاڵ مه‌دریدی برده‌وه‌

ئیستانبوڵ - AA

له‌دێربی مه‌دریددا و له‌چوارچێوه‌ی ئاماده‌كارییه‌كان بۆ جامی نێوده‌وڵه‌تیی یانه‌ پاڵه‌وانه‌كانی 2019دا، یانه‌ی ئه‌تڵه‌تیكۆ مه‌درید 7 به‌ 3 له‌ ریڵ مه‌دریدی برده‌وه‌.

خوله‌كه‌ بۆ جاری حه‌وته‌مه‌ به‌ڕێوه‌ده‌چێت و تێیدا یانه‌كانی ئه‌تڵه‌تیكۆ مه‌درید و ریاڵ مه‌درید به‌یه‌ك گه‌یشتن.

یانه‌ی ئه‌تڵه‌تیكۆ مه‌درید ته‌نها له‌ گێمی یه‌كه‌مدا 5 گۆڵی تۆماركرد و گۆڵه‌كه‌ی خۆی به‌ خاوێنی هێشته‌وه‌.

له‌گێمی دووه‌مدا هه‌رچه‌نده‌ یانه‌ی ریاڵ مه‌درید توانی سێ گۆڵ تۆمار بكات، به‌ڵام ئه‌تڵه‌تیكۆ دوو گۆڵی دیكه‌ی بۆ گۆڵه‌كانی زیاد كرد و 7 به‌ سێی به‌سه‌ریدا سه‌ركه‌وت.