کازمی پێشوازی لە بەڕێوەبەری جێبەجێکاری کۆمپانیای تۆتاڵ دەکات

هەولێر - AA

سەرۆکوەزیرانی عێراق، مستەفا کازمی پێشوازی لە بەڕێوەبەری جێبەجێکاری کۆمپانیای تۆتاڵ، پاتریک بۆیانیە و شاندێکی یاوەری کرد.

بەگوێرەی راگەیەنراوێکی نووسینگەی رۆژنامەوانی سەرۆکوەزیرانی عێراق، لە میانی دیدارەکەدا کە وەزیری نەوت، ئیحسان عەبدولجەبار ئامادەی بوو، باس لە هەنگاوەکانی پەرەپێدانی هاوبەش و هەماهەنگی لەگەڵ کۆمپانیای تۆتاڵ لە بواری نەوت و غاز و وەبەرهێنان لە بواری غاز بۆ سوود وەرگرتن لە وزەی کارەبا کراوە.

لەلای خۆیەوە، پاتریک بۆیانیە سوپاسی کازمی کردووە بۆ ئەو دیدارە و جەختی لە ئامادەیی کۆمپانیاکە بۆ وەبەرهێنان لە بواری نەوت کردووەتەوە.

جێی ئاماژەیە، کۆمپانیای تۆتاڵ یەکێکە لە کۆمپانیاکانی گەورەکانی فەڕەنسا کە بواری نەوت کار دەکات.