هێرشی مووشەکی بۆسەر نزیک فڕۆکەخانەی نێودەوڵەتیی بەغدا

بەغدا ــ AA

بە مووشەکی کاتیوشا هێرش کرایە سەر نزیک فڕۆکەخانەی نێودەوڵەتیی بەغدا.

شانەی راگەیاندنی ئەمنیی سەربە وەزارەتی بەرگریی عێراق لە راگەیەندراوێکدا ئاماژەی بەوە کرد کە دوو مووشەکی کاتیوشا لە نزیک فڕۆکەخانەی نێودەوڵەتیی بەغدا کەوتوونەتەخوارەوە.

لە کاتێکدا باس لەوە دەکرێت کە هێرشەکە زیانی گیانیی لێ نەکەوتووەتەوە، لێکۆڵینەوە لەبارەیەوە دەستی پێ کردووە.

تا ئێستا هیچ کەس و لایەنێک بەرپرسیارێتی هێرشەکەی نەگرتووەتە ئەستۆ.