مەسرور بارزانی لە یادی ٤٦ ساڵەی بۆمبارانکردنی شاری قەڵادزێدا پەیامێکی بڵاوکردەوە

ھەولێر - AA

سەرۆکی حکوومەتی ھەرێمی کوردستان مەسرور بارزانی لە یادی ٤٦ ساڵەی بۆمبارانکردنی شاری قەڵادزێدا ، پەیامێکی بڵاوکردەوە.

لە پەیامەکەی سەرۆکی حکوومەتی ھەرێمی کوردستاندا ھاتووە: "لە ساڵڕۆژی بۆردومانکردنی شاری قەڵادزێ لە ١٩٧٤/٤/٢٤ لەلایەن رژێمی دیکتاتۆری بەعسەوە کە بووە ھۆی وێرانبوونی شارەکە و شەھید و برینداربوونی سەدان کەسی بێتاوان کە بەشێکی زۆریان قوتابی زانکۆی سلێمانی بوون کە ئەوکات لە قەڵادزێ بوو، بەداخەوە لە ١٩٨٢/٤/٢٤ رژێمی بەعس تاوانێکی دیکەی بەرامبەر شارەکە ئەنجامدا و خۆپێشاندانێکی گوللەباران کرد کە بۆ رێزگرتن لە قوربانیانی بۆردومانی قەڵادزێ ئەنجامدرا بوو".

مەسرور بارزانی لە پەیامەکەیدا رایگەیاندووە: "سەری رێز و نەوازش بۆ گیانی پاکی شەھیدانی ھەردوو کارەساتەکە دادەنوێنین و بەڕێزەوە یادیان دەکەینەوە".

On 24 April 1974, the town of Qaladze was bombed by the Ba'ath regime, killing 134 people, many of them students. On the same day eight years later a large number of protesters were shot in the same town. We mourn the martyrs and stand with the survivors of these terrible crimes. pic.twitter.com/d1oN21ZNJz

— Masrour Barzani پابەندین# (@masrour_barzani) April 24, 2020