لە عێراق دەستگیرکردنی ١٢ تیرۆریست راگەیەندرا

ھەولێر ــ AA

شانەی راگەیاندنی ئەمنی سەربە نووسینگەی سەرۆکوەزیرانی عێراق راگەیاند کە لە میانی زنجیرەیەک ئۆپەراسیۆندا لە پارێزگاکانی کەرکووک، سەڵاحەددین، بەغدا و ئەنبار ١٢ تیرۆریست دەستگیرکراون.

شانەی راگەیاندنی ئەمنی لە راگەیەندراوێکدا ئاماژەی بەوەداوە کە ھێزەکانی سەربە بەڕێوەبەرایەتیی هەواڵگریی سەربازیی سەربە وەزارەتی بەرگریی، زنجیرەیەک ئۆپەراسیۆنیان لە پارێزگاکانی کەرکووک سەڵاحەددین، بەغدا و ئەنبار ئەنجامداوە.

راشیگەیاندووە کە لە میانی ئۆپەراسیۆنەکاندا، ١٢ تیرۆریست دەستگیرکراون.