نێچیرڤان بارزانی: "کۆبوونەوەیەکی بەرهەمدارمان لەگەڵ ماکرۆن ئەنجامدا"

سەرۆکی ھەرێمی کوردستان نێچیرڤان بارزانی دوای کۆبوونەوەی لەگەڵ سەرکۆماری فەڕەنسا، ئیمانوێل ماکرۆن لە بەغدا، لە تویتێکدا رایگەیاند کۆبوونەوەیەکی بەرھەمداریان لەگەڵ ماکرۆن ئەنجامداوە.

نێچیرڤان بارزانی لە ھەژماری تایبەتی خۆی لە تۆڕی کۆمەڵایەتی تویتەر نووسیوویەتی "پێخۆشحاڵم بە دووبارە بینینەوەی سەرۆک ئیمانوێل ماکرۆن. ئەمڕۆ لە بەغدا کۆبوونەوەیەکی بەرھەمدارمان ھەبوو.سوپاسگوزاری پشتیوانیی بەردەوام و پەیوەندییە بەھێزەکانی فەڕەنسام بۆ ھەرێمی کوردستان. بە ئومێدەوە چاوەڕوانی گەشەپێدان و بەھێزترکردنی پەیوەندییەکانمانین لەگەڵ فەرەنسا".

سەرکۆماری فەڕەنسا، ئیمانوێل ماکرۆن لە میانی سەردانەکەی بۆ بەغدا لەگەڵ سەرۆکی هەرێمی کوردستان، نێچیرڤان بارزانی کۆبووەوە.