مەسعود بارزانی پێشوازیی لە خەمیس خەنجەر کرد

ھەولێر - AA

سەرۆكی پارتی دیموکراتی کوردستان، مەسعود بارزانی پێشوازیی لە سەرۆكی هاوپەیمانیی عەزم، خەمیس خەنجەر كرد.

بەگوێرەی ئەو راگەیەندراوەی کە لە بارەگای بارزانی بڵاوکراوەتەوە لە دیدارەكەدا، بارودۆخی سیاسیی عێراق و چۆنیەتی بەڕێوەچوونی هەڵبژاردنی ئەنجوومەنی نوێنەرانی عێراق تاوتوێ كراوە و رۆشنایی خراوەتە سەر قۆناغی دوای هەڵبژاردنەكان، هەروەها هەردوولا هیوایان خواستووە كە ئەنجامەكانی هەڵبژاردن ببێتە هۆی بەدیهاتنی سەقامگیریی و راستەڕێبوونی پڕۆسەی سیاسیی لە عێراق.