Arbil
ھەولێر - AA
سەرۆکی حکوومەتی ھەرێمی کوردستان مەسرور بارزانی لە پەیامێکدا لەسەر ھێرشەکەی داعش بۆ سەر کوڵەجۆی رایگەیاند "بەداخەوە دوێنی شەو لە ئەنجامی ھێرشی تیرۆریستانی داعش بۆ سەر شارۆچکەی کوڵەجۆی سەر بە کفری ، بەڕێوەبەر و دوو کارمەندی ئاسایش شەھیدبوون و چەند کارمەندێکیش بریندار بوون.
پرسە و سەرەخۆشی لە کەسوکاری شەھیدەکان دەکەم و ھیوادارم خوای مەزن بە بەھەشتیان شاد بکات و ھیوای چاکبوونەوەش بۆ بریندارەکان دەخوازم ".
سەرۆکی حکوومەتی ھەرێمی کوردستان مەسروور بارزانی رایگەیاندووە: "ئەم ھێرشەی تیرۆریستانی داعش، نیشانی دەدات کە ئەم رێکخراوە تیرۆریستییە ھێشتا بە تەواوی تێکنەشکێنراوە و، ئێمەش لەمبارەوە چەندین جار ھوشداریمان داوە . بۆیە پێویستە کۆمەڵگەی نێودەوڵەتی لە ھاوکاریکردنی ھەرێمی کوردستان و عێراق بەردەوام بێت بۆ رووبەڕووبوونەوەی داعش و ، کارکردن لە پێناو نەھێشتنی ئەو ھۆکارانەی دەبنە ھۆی سەرھەڵدان و چالاکبوونەوەی رێکخراوە تیرۆریستییەکان ".
![](http://www.facebook.com/sharer.php?u=https://www.aa.com.tr/ks/سياسەت/مەسرور-بارزانی-پەیامێکى-لەسەر-ھێرشەکەی-داعش-بۆ-سەر-کوڵەجۆی-بڵاوكردەوە/1659855&p[images][0]=https://cdnuploads.aa.com.tr/uploads/Contents/2019/11/30/thumbs_b_c_8bb161f587de020f1c2393f955c57bd5.jpg?v=130822&p[title]=مەسرور بارزانی پەیامێکى لەسەر ھێرشەکەی داعش بۆ سەر کوڵەجۆی بڵاوكردەوە&p[summary]=- سەرۆکی حکوومەتی ھەرێمی کوردستان مەسرور بارزانی: "پێویستە کۆمەڵگەی نێودەوڵەتی لە ھاوکاریکردنی ھەرێمی کوردستان و عێراق بەردەوام بێت بۆ رووبەڕووبوونەوەی داعش">
){kind=link}