سەرکۆماری عێراق: "کۆمەڵکوژی بارزانیەکان تاوانێکی لەبیرنەکراوە"

ھەولێر ــ AA

سەرکۆماری عێراق، بەرھەم ساڵح رایگەیاند کە کۆمەڵکوژی بارزانییەکان تاوانێکی لەبیرنەکراوە و جەختیش لەوە دەکاتەوە کە پاراستنی مافی گەل وڕێگری لە سەرھەڵدانەوەی دیکتاتۆریەت و تاوانکاری، پێویستی بە یەکڕیزییە.

بەرھەم ساڵح لە ٣٨ھەمین ساڵیادی ئەنفالکردنی بارزانییەکاندا لە تویتێکدا نووسیوویەتی: "کۆمەڵکوژی بارزانییەکان تاوانێکی لەبیرنەکراوە و پێویستی بەساڕێژ بوون وقەرەبوکردنەوەی قوربانییەکانە".

سەرکۆماری عێراق، بەرھەم ساڵح ھەروەھا راشیگەیاندووە "پاراستنی مافی گەل وڕێگری لە سەرھەڵدانەوەی دیکتاتۆریەت و تاوانکاری، پێویستی بە یەکڕیزییە بۆ خزمەتی خەڵک و رووبەڕوبوونەوەی ئاستەنگ و ئەگەرە سەختەکانی ئەم سەردەمە".