کۆبوونەوەی سەرکۆمار ئەردۆغان و ئال نهەیان لە ئیتاڵیا

بۆرگۆ ئیگنازیا - AA

سەرکۆماری تورکیا، ڕەجەب تەیب ئەردۆغان لە ئیتاڵیا لەگەڵ سەرۆکی ئیمارات، محەمەد بن زاید ئال نهەیان کۆبووەوە.

بەپێی ڕاگەیاندراوی فەرمانگەی سەرۆکایەتی پەیوەندییەکانی سەرۆکایەتی کۆماری تورکیا، سەرکۆمار ئەردۆغان لە چوارچێوەی دیدار و کۆبوونەوەکانیدا لە لووتکەی سەرکردەکانی G7، لە ئیتاڵیا لەگەڵ سەرۆکی ئیمارات ئال نهەیان کۆبووەتەوە و، پەیوەندیيە دووقۆڵییەکانی نێوان تورکیا و ئیمارات و پرسە هەرێمیی و جیهانییەکانیان تاوتوێ کردووە.

سەرکۆمار ئەردۆغان لە کۆبوونەوەکەدا باسی لەوە کرد گرنگە جیهانی ئیسلامی یەکگرتووانە دژی ئەو سیاسەتی کۆمەڵکوژییە بوەستێتەوە کە ئیسرائیل لە فەڵەستین پەیڕەوی دەکات.