کوژرانی فەڵەستینییەک بە گولـلەی سەربازانی ئیسرائیل

رامەڵڵا - AA

لە ئەنجامی دەستڕێژی گولـلەی سەربازانی ئیسرائیل لە شاری نابلوسی سەربە کەناری خۆرئاوای داگیرکراو، هاووڵاتییەکی فەڵەستینی کوژرا.

بەپێی راگەیەندراوێکی مانگی سووری فەڵەستینی لە ئەنجامی دەستڕێژی گولـلەی سەربازانی ئیسرائیل، هاووڵاتییەکی فەڵەستینی کوژراوە و یەکێکی دیکەش برینداربووە.

بەگوتەی گەواهیدەرانی رووداوەکە، هێزەکانی ئیسرائیل لە نابلوس گەمارۆی ماڵێکیان داوە و لە ئاکامدا شەڕ و پێکدادان روویداوە، لەو کاتەدا سەربازانی ئیسرائیک گولـلە و بۆمبی دەستی راستەقینەیان بەکارهێناوە.

لەلایەکی دیکەوە، گرووپێکی چەکداریی فەڵەستینی بەناوی "لانەی شێر" بڵاوی کردەوە کە لە کاتی گەمارۆکەدا، رووبەڕووی هێزەکانی ئیسرائیل بوونەتەوە.

لە راگەیەندراوێکی گرووپەکەدا هاتووە: ''هێزەکانی داگیرکەر کەوتنە بۆسەی گرووپەکەمانەوە و دوای ئەوەی بۆمب لەناو سەربازەکاندا تەقییەوە، وەک باران گولـلە بەسەریاندا باری''.

هێشتا سوپای ئیسرائیل هیچ وەڵامێکی بۆ ئەم راگەیەندراوەی گرووپەکە نییە.